भावना मय्जु अपर्णा प्रधानं च्वयादीगु निबन्ध मुना खः । ने.सं ११३० य् नेपाल संस्कृति लय्पौ पाखें थ्व सफू पिथंगु खः । विविध विषय् दुथ्यागु थ्व सफुलिइ नेवाः संस्कृतिसम्बन्धी न्यापु, विज्ञानसम्बन्धी प्यपु, नारी व अपाङ्गसम्बन्धी स्वपु व विश्व सम्पदासम्बन्धी छपु यानाः झिंस्वपु च्वखँत दुथ्याःगु दु । च्वमिं थ्व संग्रहय् च्वंगु निबन्धय् थःगु नुगः खँया नापं सम्बन्धित विषयया नं जः ह्वलेगु यानादीगुलिं थ्व निबन्ध संग्रह आत्मपरकया नापं विषयपरक निबन्धया समिश्रण जूगु निबन्ध संग्रह खः ।
