चित्तधर हृदय स्मृति ग्रन्थ नेपालभाषाया अग्रज स्रष्टापिं माधवलाल कर्माचार्य व फणीन्द्ररत्न वज्राचार्यपिनिगु सम्पादनय् ने.सं ११०४ स नेपालभाषा परिषद्या ४६ गूगु प्रकाशनया रुपय् कविकेशरी चित्तधर हृदयया लुमन्ति कथं पिदंगु स्मृति ग्रन्थ खः । थ्व स्मृति ग्रन्थय् दकलय् न्हापां कविकेशरी चित्तधरया जीवनकालय् जूगु मुख्य मुख्य घटनाया तिथिमितिया नापं वय्क:या जन्म कुण्डली न्ह्यब्वयातःगु दु । थ्वयां लिपा महाकवि चित्तधर व वयकःया योगदानयात कयाः च्वयातःगु थीथी व्यक्तित्वपिनिगु लुमन्ति, अनुभव भावना धारणा आदियात जीवनी व व्यक्तित्व, प्रतिभाया धनी, प्रेरणाया स्रोत, संस्मरण व श्रद्धाञ्जली, कविता कुसुमाञ्जली, किपा पुलुपालु यानाः खुगू शिर्षकय् ब्वथलाः न्ह्यब्वयातःगु दु ।
Leave a Reply