फणीन्द्ररत्न वज्राचार्यया सम्पादनय् पिदंगु चित्तधर हृदयया कविता व म्येँ सफू ने.सं. १०३८य् नेपालभाषा परिषद्पाखें पिदंगु खः । थुगु मुनाय् अप्वः यानाः बुद्ध सम्बन्धी करुणाया परिवेशय् लाःगु कविता व म्ये दुथ्यानाच्वंगु दु । लिसें राष्ट्रवाद, मानवतावाद व जातिवन्धु प्रतिया आत्मभाव भयबियाः दासिवःगु नुगःया प्रतीक अभिव्यक्ति खः । थुकी निगू द्याः दु । न्हापांगु द्याय् १०७ पु थीथी कविता दुसा मेगु द्याय् ३३ पु म्ये थीथी रागया नां बियाः च्वयातःगु दु ।
