छ्वं दयेकातःगु मना । यच्चुसे च्वंगु छ्व भचा फ्वयाः पतिचिंकी । थुकी लुमुलुमु धाःगु लः हायाः प्याकी । प्याकेधुंकाः प्वतासि तयाः प्वः हायेबलय् थें हाइ । बुत धायेव ध्वःखनाः भचा ख्वाउँकी । लुमुलुमु धाःगु ज्वलं जुल धायेव यच्चुक बँ पुनाः बँय् लः भचा हाःहाः यानाः सालुक हिलाः छबःचा यचुगु सु तयाः उकी द्यःने भांग्रा सुकू तयाः त्यनी । छवाः छवाःत्या दतकि लिकयाः गंक पानाः माःबलय् छ्यलेत स्वथना तइ ।
