धर्मपासाया गजल गंगा नेपालभाषा सफू बहुउद्देश्यीय सहकारी संस्था लि.पाखें पिदंगु गजलकार धर्मनारायण महर्जनया गजल संग्रह खः । मय्जु शान्ति महर्जनं पाखें ने.सं ११४० य् पिदंगु थ्व सफुलिइ स्वीच्यापु गजल दुथ्यानाच्वंगु दु । गजलकार धर्मनारायण महर्जनया थ्व गजल मुनाय् थन द्यः मजुइपिंत द्यः भाःपाः चाकरी यायेगु, नवायेमःसपिंत च्यः यायेगु संस्कार प्रति विद्रोहया सः प्रतिध्वनित जुयाच्वंगु दुसा मतिनायात कयाः च्वयातःगु नं तःपु गजल दुथ्यानाच्वंगु दु ।