अगिव बनेपालीया च्वसां पिज्वःगु थुगु दुरुघाः हाइकु सफू ने.सं. ११२७ गुंलाया इलय् नेपाल साहित्य मन्दिरया निंतिं सुमा श्रेष्ठपाखें पिदंगु खः । थुकी मुक्कं १२० पु हाइकु दुथ्याकातःगु दु । हाइकु दुने सामाजिक, राजनैतिक विकृति व यथार्थवादी विम्व लिसें सुक्ष्म दर्शनया खँ दुथ्याकातःगु दु । कुन्तिया दुरुघाः पाण्डवं मथूगु, महाभारतया खँत नं दुथ्याकातःगु दु । अले चिहाकलं धायेबलय् थुकी बिचार व चेतनाया लाय्लामा खंकेफइ ।
