स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु हर्षराज शाक्य नं छम्ह खः । वय्कःया जन्म वि.सं.१९३३ बैशाख कृष्णपक्षय् भोजपुर जिल्ला खिकामाछा बजारय् जूगु खः । वय्कः पेशां ज्योतिष खःसां भोजपुर टक्सारया न्हापांम्ह साहित्यकार खः । वय्कलं बि.सं.१९७८ पौष ९ गते खिकामाछा बजार आगलागीको सवाइ च्वयादिल । वय्कः चित्रकार नं खः । भोजपुरया नेवाःतय् विकाशया निंतिं वय्कः सदां न्ह्यचिलादीम्ह व्यक्ति खः । वय्कः बि.सं.२००० कृष्णपक्ष द्वादशी कुन्हु दिवंगत जुयादिल ।
