काजीरत्न शाक्य छम्ह धातुइ बुत्ता कियेगु व नँय् थी थी बुत्ता कियाः थासा दयेकेगु ज्याय् ज्वः मदुम्ह कलाकार खः । वय्कः ने.सं. १०४६ तछलाथ्वः अस्तमि, सुक्रबारखुन्हु यलया हःखा, चाद्वँ त्वालय् जन्म जूगु खः ।
वय्कलं थः अबुजु स्व. हर्षराज शाक्यया प्रेरणाकथं थुगु ख्यलय्् ने.सं. १०५८ स ज्या न्हाकादीगु खः । वय्कःया कलाया विषेशता धयागु सिजः, लुँ, वहः, लीया पाताय् थी थी दृष्य कियाः दयेकेगु व नँय् थी थी बुत्ता कियाः थासा दयेकेगु खः ।
ब्वज्या— मंगलबजार शिल्पकला प्रदर्शनी । सिरपाः— प्रथम शिल्पकला प्रदर्शनी । न्ह्यथने बहःगु कृति— श्री दक्षिणकाली देगलय् वहःया इलां निर्माण । प्रताप भाष्कर व मेमेगु उच्च पदक व विभूषण निर्माण ।
