येँया भाजु डम्बरबहादुर व मय्जु कृष्णकुमारीया काय्मचा किशोरकुमार प्रधान सन् १९४४ स बूगु खः । भारतया मद्रासं दन्त चिकित्साया ख्यलय् स्नातक जुयावःम्ह थ्वय्कलं लिपा १९७७ स बेलायतं एफआरसीएस उपाधि कयादिल । अथे हे आयरलैण्डया विश्वविद्यालयपाखें थुगु हे बिषय कयाः उच्च शिक्षा ब्वनादिल । वय्कः विशेषतः म्हुतु व ख्वाःया अत्याधुनिक विधिया शल्यचिकित्सा प्रविधिया न्हापांम्ह मनू खः ।
