नाति महर्जनया च्वसां पिज्वःगु काव्य सफू मोहनी नखः बाखं म्ये ने.सं. ११३८ तछलागा दशमी कुन्हु कुतः पिकाकः पाखें पिदंगु खः । थुगु सफुलिइ ४२७ पु चिनाखँ दुथ्यानाच्वंगु दु । खण्डकाव्य दुने नेवाःत छधी छपाँय् जुयाः वनेमाःगु आग्रह दु । मचातय्त नेवाः भाय् ल्हाकेमाःगु व नेवाः अधिकार कायेत न्ह्यःने न्ह्यचिले माल धकाः सः थ्वयेकातःगु दु । झी महिताःतय्त न्हंकीपिं मलः खः, न्हसला खः धकाः सः थ्वयेकातःगु दु । मोहनि नखःया लिधंसाय् नेपाःया वर्तमान सामाजिक आर्थिक राजनैतिक विसंगति न्ह्यब्वयातःगु नेवाः समाज सांस्कृतिक बाध्यता आशा निराशा इच्छा आकांक्षा असन्तोष आक्रोस आदिया चित्रण न्ह्यथनातःगु काव्यया रुपय् भावत प्वंकातःगु दु ।
