स्वनिगः पिनें पिदंपिं सांस्कृतिक नापं भाषिक अभियन्तापिं मध्ये भाजु मुकुन्द शाक्य नं छम्ह खः । वय्कःया जन्म बि.सं.२००६ मंसिर २६ गते जूगु खः । वय्कःया मांया नां बेलकुमारी शाक्य व बौया नां नारायणप्रसाद शाक्य खः । वय्कःया थाय्बाय् बागलुङ नगरपालिका, वडा नं. ३ बुद्ध चोक खः । वय्कः नेपालभाषा मंकाः खलः बागलुङया सल्लाहकार जुयादी । वय्कः थीथी शैक्षिक व सामाजिक संघसंस्थालिसे आवद्ध जुयादी, लिसेलिसें कला, संगीत, साहित्य व संस्कृतिया ख्यलय् नं सक्रिय जुयादी । वय्कः ज्ञानोदय बुद्ध बिहार बागलुङया न्हापायाम्ह नायः व संरक्षक नं जुयादी ।
