नेपालमण्डलया ख्वाःपाः प्याखं (The Masked Dances of Nepal Mandal) नांगु थ्व सफू मध्यपुर कला परिषद्पाखें ने.सं.११२६ य् पिदंगु खः । ख्वाःपाः प्याखं छु खः ? ख्वाःपाः गुकथं दयेकी लिसें नेपाः देय् दुने गन गन ख्वाःपाः प्याखं जुइ, गज्याःगु प्याखं जुइ उकिया विस्तृत विवरण, खँ आदि थ्व बिषयया ज्ञाता विद्वानपिंसं च्वयादीगु च्वसु थुकि दुथ्यानाच्वंगु दु । च्वसु मुनेगु ज्या भाजु गणेशराम लाछि यानादीगु खः । थ्व सफूया सम्पादक भाजु सुभाषराम लाछि खः । थुकी नेपालभाषाया झिंन्यापु, अंग्रेजी भाषं स्वपु, खस् नेपालीभाषं झिंस्वपु च्वसु दुथ्यानाच्वंगु दु । थ्व छगू महत्वपूर्णगु सफू खः ।
