न्हाय्कं समालोचना सफूया पिकाकः कुतः पिकाकः खः । थुकी नेपालभाषा साहित्यया झिंछम्ह साहित्यकारपिनिगु विविधि विधाया साहित्यया झिंखुपू समालोचना दुथ्याः । उकी मध्ये संस्कृतिविद् ज्ञानकाजी मानन्धरया खस (नेपाली) भाय्या रचनायागु छपु समालोचना नं दुथ्याः । नेपाली भाषाया कृति सामान्य चलन कथं नेपालीं हे याइ । तर अपर्णाजुं नेपालभाषां यानादिल । थ्व वय्क:या नेपाली भाषाया सम्मान व मांभाय् प्रति मतिना खः ।
