समालोचनाया सिद्धान्त ब्व २ प्रा. माणिकलाल श्रेष्ठं च्वयादीगु मेगु छगू न्ह्यथनेबहःगु सफू खः । कुतः पिकाकःपाखें ने.सं. ११३९ पोहेलाथ्व सप्तमी शनिवाः कुन्हु पिदंगु थ्व सफुलिइ नेपालभाषा साहित्य व पाश्चात्य समालोचनानाप स्वापु दुगु झिंखुपु च्वसु दुथ्यानाच्वंगु दु । प्रा. माणिकलाल श्रेष्ठया थ्व स्वयाः न्हापा ने.सं. १०८८ य् च्वसापासापाखें समालोचनाया सिद्धान्त पिदनेधुंकूगु खः । थ्व समालोचनाया सिद्धान्त ब्व २ लय् दुथ्याःगु अप्वः थें च्वसुत न्हापा हे थीथी पत्रपत्रिका व कार्यशाला गोष्ठीइ पितब्वयेधुंकूगु खः । थ्व सफू नेपालभाषाया साहित्य व समालोचनाया शिक्षणया ख्यलय् छगू मूवंगु ज्वलं जूगु दु ।