अमिता महर्जनया च्वसां पिज्वःगु मुक्तक सफू सम्बन्धया रंग ने.सं. ११३८ य् कुतः पिकाकःया लुखां पिदंगु खः । थुकी दुथ्यानाच्वंगु न्यय्कू मुक्तक दुने मतिनाया आग्रह खनेदु । गनं जीवन भोगाइया स्याःचाः उलातःगु दु । गनं सामाजिक विभेदया रंग खनेदु । गनं विकृति विसंगतिया चित्रण खनेदु । अले थुगु कृतिं अमिता महर्जनयात नेपालभाषाय् मुक्तक सफू पिथंम्ह न्हापांम्ह मिसा मुक्तककार कथं म्हसीका बिइत ताःलाःगु दु ।
