न्यत, येँया भाजु हिरानन्द बैद्य व मय्जु पूर्णकेशरीया म्ह्याय्मय्जु सानुमैंया ने.सं. १०६२ चिल्लागाः दुतिया, बुधबारखुन्हु बूगु खः ।
सन् १९६३ स भारतं एमबिबिएस क्वचायेका वःम्ह थ्वय्कलं वेलायतं सन् १९८२ स उच्चशिक्षा ब्वनादिल । नेपालय् प्रसुति उपचारया ख्यलय् थ्वय्कः छम्ह न्ह्यलुवाः मय्जु खः, नापनापं सुरक्षित मचा बुइकेगु सम्बन्धय् समाजय् चेतना थनेगु व परिवार नियोजनया ल्याप्रस्कोपि पद्धतियात न्ह्यज्याकेगुली मूवंगु भूमिका म्हितादीम्ह खः ।
