नेपालभाषा साहित्य ख्यलय् ने.सं. १०७४ य् दकलय् न्हापां धुस्वां साय्मिजुया मिसा उपन्यास पिदंगु खः । व उपन्यास पिदंगु ३२ दँ लिपा छम्ह मय्जु उपन्यासकार पिलू वल— शशिकला मानन्धर । थ्व शैली उपन्यास व हे नेपालभाषाया न्हापांम्ह मिसा उपन्यासकारया उपन्यास खः । थ्व उपन्यास रुवि नेपालभाषा गुथि पाखें ने.सं.११०६ य् पिदंगु खः । मनूया जीवनय् छगू समस्या समाधान जुइमलाःनि मेगु समस्या वयेधुंकी गुकिं जीवनयात अशान्त यानाबी, थ्व हे खँ थ्व उपन्यासं कनाच्वंगु दु ।
