सिमा हः व मेमेगु बाखं कवि मयजु प्रतिसरा साय्मिं झिंनिपु अंग्रेजी भासं नेपालभाषाय् भाय्हिलादीगु बाखंया संग्रह खः। कवि व म्ये च्वमि कथं परिचितम्ह प्रतिसरायात थ्व बाखं संग्रहं वय्कःया च्वसा अनुवाद क्षेत्रय् नं उलि हे सशक्त व सक्रिय धकाः म्हसीके ब्यूगु दु । साहित्य गुथिपाखें ने.सं.१११९य् पिदंगु थ्व अनुवाद बाखं सफू उर्दू भाय्या नांजाःम्ह च्वमि इन्तिजार हुसेनं च्वयादीगु बाखं संग्रह खः । थ्व बाखं संग्रहं च्वमि हुसेनयात समाजय् बांमलाक हा कयाच्वंगु मभिंगु मनिंगु बिचाःतय्त कुसाकुतिं थें कुले फुम्ह हिन्दू, मुस्मां व बौद्ध धर्मया त्रिवेणी कथं म्हसीके ब्यूगु दु । मानवता हे संसारय् दकलय् तःधंगु धर्म धइगु थुगु कृतिइ थाय्थासय् लुइके फइगु थ्व संग्रहया विशेषता खः।