मिलन शाक्यया न्हापांगु हाइकु सफु सुथया खसु ने.सं. ११३२ स्वांयापुन्हि कुन्हु कुतः पिकाकः पाखें पिथंगु खः । थुकी मुक्कं न्यय्पु हाइकु दुथ्याकातःगु दु । हाइकु दुने देशय् न्हूगु नीति नियम वःसा जनताया निंतिं सुखया आभास मजूगु कारण छु खः धकाः न्ह्यसः थनातःगु दु । गां त्वःता शहर वयाः बास यानाच्वंपिंसं शहर भिंकीमखु धयागु सन्देश बियातःगु दु । जीवन फकंहःया लः थें खंकाच्वंगु दु । लिसें समाजया थीथी किपात ब्वयातःगु दु ।