सुतिलः नातिवज्र वज्राचार्यं च्वयादीगु थुगु सफू ने.सं. १०९१ य् अमृत तुलाधरं पिथनादीगु खः । थुकी चिनाखँ व मुक्तक यानाः नीपु रचना दुथ्यानाच्वंगु दु । मुक्तक दुने थीथी भाव सम्प्रेशन जुयाच्वंगु दु । गथेकि— मनूतय्गु जीवनय् स्याःचाः व घाःपाः खनाः सर्गः हे ख्वयाच्वन धकाः देय्या अवस्था न्ह्यब्वयातःगु दु । मनूतय्गु इच्छा आकांक्षा सुकू गनावनाच्वंगु हुनिं न्हूगु ईयात लुत्तुलुयाः हयाच्वंगु दृश्य नं खंकेफइ । अले पःखाः दुने खिउँथाय् म्वानाच्वने माःगुलिं पःखाः तछ्यानाः न्हूजःया म्ये हालेत हथाय् चायाच्वंगु प्रगतिशील खँत न्ह्यब्वयातःगु दु ।