ने.सं. ११३६ य् पिदंगु स्वदुवाः समालोचना मुनाया पिकाकः शान्तवर प्रधान खः । थ्व समालोचना मुनाय् ई. मोहनकृष्ण डंगोलया निगू उपन्यास सफू, छगू ऐतिहासिक नाटक भृकुटी, छगू निबन्ध यानाः मुक्कं स्वंगू विधाया प्यंगू सफूयागु समालोचना दुथ्याः । अर्पणां छम्ह हे साहित्यकारया कृति समालोचना यानाः च्वःगु निगूगु सफू सुवर्ण शाक्य व वय्कःया कृति खः । विशेष कारणं थ्व सफू प्रकाशनय् वयेमफुत । उकिं थ्व स्वदुवाः साहित्यिक कृतिया स्वंगूगु समालोचना मुना खः ।
