स्वकचा हाइकू बुद्ध नेवाःया निगूगु हाइकु मुना सफू खः । ने.सं. ११३४ तछलाथ्व १ कुन्हु कुतः पिकाकः पाखें पिदंगु स्वकचायात जीवन, प्रकृति व धर्म यानाः स्वंगू शीर्षकय् ब्वथलातःगु दु । थ्व सफुलिइ हरेक शीर्षकय् ७४/७४ पु यानाः २२२ पु हाइकु दुथ्याकातःगु दु । थुकी थौंया जीवनय् खनेदयाच्वंगु व हिउपालं ब्वलंकूगु विसंगति विकृति न्ह्यथनातःगु दु । लिसें दर्शनय् अवलम्बित जुयाः साधना यायेगु कुतः यानातःगु खनेदु ।