ओमनरहरि साहु श्रेष्ठया च्वसां पिज्वःगु स्याःचुपि चिनाखँ मुना ने.सं. ११४० स ल्याय्म्ह पुचः थिमिपाखें पिथंगु खः । थुकी मुक्कं नीखुपु चिनाखँ दुथ्याकातःगु दु । २०४६ साल न्ह्यः पंचायत ईया झिंछपु कविता अले २०४६ साल निसें २०७६ तकया दुने रचना जूगु कविता दुथ्याकातःगु दु । झीगु लकसय् न्ह्यःने खनेदयाच्वंगु उकुसमुकुस जुयाच्वंगु ईयात चिइका छ्वयेमाःगु खँ न्ह्यथनातःगु दु । तत्कालिन व्यवस्थाप्रति असन्तोष प्वंकातःगु दु । अले प्रजातान्त्रिक व्यवस्था दुने नं शोषणया व्यवस्था ल्यनाच्वंगु शैली खनाः हीमी चायाच्वंगु खनेदु ।
