डा. आनन्द जोशी व विमल ताम्राकारया मंकाः हाइकु सफू तःभुखाय् ने.सं. ११३५ य् कुतः पिकाकः पाखें पिदंगु खः । थुगु सफुलिइ म्हतिं नीगुपु नीगुपु यानाः निम्हेसिया न्यय्च्यापु हाइकु दुथ्यानाच्वंगु दु । थुकी दुथ्यानाच्वंगु हाइकुत भुखाय् बारे जक न्ह्यथनातःगु दु । भुखाय्या लिच्वतं थ्वःगु सः, लू, भुखाय्या हुनिं फयेमालाच्वंगु दुःख पीडाया सः, विदेशं वःगु राहत नेतातय्सं झ्वाम याःगु अवस्था, मनूया जीवनय् लाःगु अस्तव्यस्तया ई, भुखाचं स्यंकाथकूगु परिस्थितियात न्ह्यब्वयातःगु दु ।
