तिनातःगु लुखा सफू नांदंम्ह नाटककार भाजु विजयबहादुर मल्लं च्वयादीगु नें.सं ११४२ य् विजय मल्ल स्मृति समाज येँया आर्थिक ग्वाहालिं च्वसापासा पाखें पिदंगु खुपु छधाः प्याखंया संकलन खः । थ्व प्याखं सफूया रुपय् आपालं लिपा अर्थात् ने.सं ११४२ सालय् पिदंगु खःसां थुकी दुथ्याःगु तःपु हे प्याखं थीथी इलय् दबुली प्रदर्शन जुइधुंकूगु खःसा गुलिं पत्रपत्रिकाय् नं पिदने धुंकूगु खः । थथे थीथी इलय् दबुली क्यनेधुंकूगु व थीथी पत्रपित्रकाय् पिदंगु प्याखंयात छपु सुकाय् हनाः प्याखंया रुपय् पिकाय्गु अर्थात् सम्पादन यायेगु ज्या भाजु भूषणप्रसाद श्रेष्ठं यानादीगु खः ।
