स्व. आनन्दराज शाक्य छम्ह क्यूरेशया जडाउ झंगःपंक्षी, जनावर दयेकेगु ख्यलय् ज्वः मदुम्ह कलाकार खः । वय्कः ने.सं. १०४५ गुंलाथ्वः खस्थि, सोमबारखुन्हु यलया खाछेँ त्वालय् जन्म जूगु खः । वय्कलं थः अबुजु स्व. पुण्यराज शाक्यपाखें प्रेरणा कयाः क्यूरेशया जडाउ झंगःपंक्षी व जनावर दयेकेगु ख्यलय् ने.सं. १०५५ स ज्या न्ह्याकादीगु खः । वय्कःया कलाया विषेशताकथं थीथी ब्वयाच्वंपि वा दिनाच्वंपिं झंगःपंक्षी व थीथी जनावरतय्गु हुबहु आकृति दयेकेया निंतिं माःकथंया नँया दाइसतकं दयेकेगु ज्या यानादी । न्ह्यथनेबहःगु कृति— ब्वयाच्वंगु, दिनाच्वंगु व पपू ब्वयेका च्वंगु थीथी झंगःपंक्षी नापं जनावरतय्गु हुबहु आकृति निर्माण ।
