आशामान सिंह ताम्राकारया उपनां आशामासिं खः । धातुकलाया छम्ह ज्वः मदुम्ह कलाकार वय्कः ने.सं. १०४१ तछलाथ्वः त्रयोदसिकुन्हु झ्वःछेँ त्वाः, येँय् जन्म जूगु खः । स्व. अबुजु काजीमान सिंह ताम्राकारया प्रेरणाकथं ने.सं. १०५५ निसें कलाकारिता ख्यलय् ज्या न्ह्याकादीगु खः ।
वय्कःया कलाया विषेशताकथं लुँ, वहः व धातुया थ्वज्या व माज्या नापं थी थी कलात्मक धातुया बस्तु दयेकेगु व कतां कियेगु ज्या खः । कला ब्वज्या— एशिया ७२ प्रदर्शनीस स्वयम्भू देगः दयेकाः ब्वज्या । न्ह्यथने बहःगु कृति— १) नारायणहिति राजदरवारया मूलुखाय् दुगु कलात्मक थीथी धातुया बुत्ता क्यूगु । २) श्री पशुपतिनाथ देगःया लुखाय् वहःया बुत्ता कियेज्या नापं उगु देगलय् थीथी कार्नेस निर्माण ।
