भाजु जुलुम चित्रकार छम्ह भाषिक अभियन्ता खः । वय्कःया जन्म ई.सं.१९४५ जुलाइ १२ खः । वय्कः यलय् च्वनादी । रेडियो नेपालया जीवन दबू ज्याझ्वलय् किसान नांया कविता ब्वनाः साहित्य ख्यलय् पलाः तयादीम्ह भाजु चित्रकारं बि.सं.२०२२ सालय् जूगु भाषा आन्दोलनय् सक्रिय रुपय् ब्वति कयादिल ।
वय्कलं झिंनिदँ तक न्हूदँया लसताय् यलया थीथी थासय् साहित्य सम्मेलन यायेगु ज्या मदिक्क न्ह्याकादिल । भाजु चित्रकार नेपालभाषा मंकाः खलः यलया नायः व ने.सं.११०० स भाषिक अधिकार संघर्ष समिति यलया छ्यान्जे जुयादीधुंकूम्ह खः ।
