साहित्य ख्यलय् काशीराम विरसया नामं म्हसीका दुम्ह काशीराम प्रजापतिया जन्म ख्वपया तौलाछेँ त्वालय् ने.सं. १०९६ चउला कुन्हु मां बुद्धलक्ष्मी प्रजापति व बौ कान्छा प्रजापतिया क्वखं जूगु खः । थ्वय्कः नेपालभाषा व खस नेपाली भाषाय् च्वसा न्ह्याकादीम्ह च्वमि खः । थ्वय्कःया पिदंगु प्यंगू कृति मध्ये नेपाली भाषं स्वंगू, नेपालभाषां छगू खः । आस्थाया किपा नांगु चिबाखं मुना ने.सं ११२९ य् पिदंगु खः । थ्वय्कःया थी थी पत्रपत्रिकाय् मेमेगु नं चिबाखं, चिनाखँ, गजल पिदंगु दु । भक्तपुर साहित्यिक समाजया संस्थापक नायः जुयाः साहित्य योगदान यानाझाःम्ह विरसं चिनाखँ, चिबाखं, गजल आदि विधाय् च्वसा न्ह्याकाः सिरपाः नं त्याकादीगु दु ।
