समर्पण मय्जु अपर्णा प्रधानं च्वयादीगु छगू सामाजिक उपन्यास खः । कुतः पिकाकःपाखें ने.सं ११४१ य् पिदंगु १४८ पौया थ्व उपन्यासय् स्वीगुंगू अध्याय दु । वरिष्ठ आख्यानकार मथुराकृष्ण साय्मिया आह्वानय् च्वःगु थ्व उपन्यास, उगु मिसा उपन्यास प्रतियोगिताय् तृतीय सिरपाः त्याकेत ताःलाःगु उपन्यास खः । बिमल ताम्रकार व मथुराकृष्ण मानन्धरया समिक्षात्मक भूमिका दुगु थ्व उपन्यासय् परिवारय् सुख शान्ति कायम यानाः सुखद् लकस दयेकेत दकलय् माःगु तत्व छम्हेस्यां मेम्हप्रति याइगु समर्पण खः धयागु क्यनातःगु दु ।