समाचार पत्रकारिता सफूया च्वमि भाजु वज्रमुनि बज्राचार्य खः । थुगु सफू ने.सं. ११२२ य् नेपालमण्डल घःचाः धुकू, यलपाखें पिथंगु खः । थ्व सफू पत्रकारिता विधानाप स्वापू दुगु नेपालभाषाया न्हापांगु सफू खः । थुकी आमसंचार व थुकिया लागा, नेपालय् आमसंचारया विकास, बुखँ, सम्पादक, संवाददाता, सम्पादनया ज्या, सम्पादकीय व टिप्पणी च्वज्या, फीचर वा लेख च्वज्या व सम्पादन, अन्तवार्ता, प्रुफ स्वय्गु विधिया सामान्यज्ञान, सजावट व स्वरुप यानाः ब्वथलातःगु दु । थ्व सफू नेपालभाषा ब्वनिपिंत कार्यात्मक पौ पूवंकेत ग्वाहालिकथं पिदंगु खः ।
