सिरपा बाखं पुचः झी मांभाय् प्रकाशनं ने.सं. ११९४ य् पिथंगु बाखं संग्रह खः । थ्व सफुलिइ विराट नेपालभाष साहित्य सम्मेलनय् सिरपाः त्याकेत ताःलाःगु च्यापु, लुमन्ति खलःया साहित्य सम्मेलनय् सिरपाः त्याःगु निपु, नेपाल कमर्स कलेजया साहित्य सम्मेलनय् सिरपाः त्याःगु निपु नापं यानाः झिंनिपु बाखं दुथ्याना च्वंगु दु । थुगु बाखं मुनाय् दुथ्यानाच्वंगु बाखं खः — गणेश साय्मिया फ्वगिंया सः, रत्नबहादुर साय्मिया व मिसा, भूचन्द वैद्यया बदला, सुमित्रा रायया पूर्णमान, कृष्णध्वज नकःमिया वेँ, धनमानया मेला, मोतीलक्ष्मीया मांया पुरस्कार, गोविन्दमान श्रेष्ठया अन्तर्वार्ता, सरस्वती रन्जितया पौभाः–छगू जीवनया, आनन्द रत्न वज्राचार्यया भिखाछेँया इतिहास, गोविन्द नकःमिया बिवस्तां प्यपुना च्वंगु जिन्दगी, प्रकाश स्यस्यःया जिगु ग्वरः व राज साय्मिया म्वानाच्वंगु लाश । थुगु सफुलिइ दुथ्याःगु बाखंया च्वमिपिनिगु सम्बन्धय् प्रा. आशाराम शाक्यं थ्वय्कः बाखं च्वमिपिं झीगु बाखं साहित्यया कर्णधार जुयावइ धैगु जिगु विश्वास दु धकाः गुगु विश्वास कयादीगु खः थ्व थौं सत्य सावित जूगु दु ।