सिलुस्वां ने.सं १०९८ स मय्जु उत्तरा सिंहं पिकयादीगु महाकवि गिरिजाप्रसाद जोशीया असाधारण मनोविज्ञानय् आधारित उपन्यास खः । सिलुस्वां सफुलिइ न्ह्यब्वयातःकथं थ्व स्वां सिलु वंपिसं ज्वना वइगु खःसा थ्व स्वां मतिनामिं थः यजुयात मतिनाया चिंकथं बीगु स्वां खः । थ्वहे कथं थ्व उपन्यासय् उपन्यासया नकिं नं सिलु वनाः ज्वनावःगु सिलुस्वां नायःयात मब्यूगुलिं नायः नं थःत धोखाबिल धैगु आशंकां वया मानसिक सन्तुलन हे तनी । थथे थःत सिलुस्वां मब्यूगु हुनिं मानसिक सन्तुलन तंम्ह नायःयाके आक्रोश जक मखु प्रतिशोधया भावना नं उलि हे ब्वलनी । थथे असाधारण मनस्थिती लाःम्ह पात्रया असाधारण ज्याखँ हे थ्व उपन्यासया मू विषय जूगु दु ।
