च्याम्ह बोधिसत्वया चिंकथं बुद्धधर्मय् च्यागू ज्वलंयात कयाः बौद्ध संस्कृतिइ अष्टमंगल छ्यलावयाच्वंगु दु । ध्वाँय्, कलश, च्वाम्वः, ज्वःन्या, श्रीवत्स, छत्र, पलेस्वां व शंख खः । थुज्वःगु च्यागू मंगलया ज्वलं अष्टमी धलं दनीबलय्, तीर्थय् श्राद्ध याःवनेगु इलय् तीर्थ तीर्थय् छायेगु याइ । छेँ पलिस्था याइगु इलय् नं भ्वँतय् थुगु ज्वलंया चिं च्वयाः सःखि खिपतय् हनाः छेँ चाःहीकाः तइ । बुराबुरि जंक्वया इलय् नं चाया थलबलय् थुज्वःगु चिं च्वयाः पिनेया मभिंगु तत्त्वपाखें रक्षा यायेत छ्यली ।
