नेवाः समाज कुबेरयात उत्तर दिशाया रक्षक, धन सम्पत्ति, समृद्धिया चिंया रुपय् कयातःगु दु । लक्ष्मीपुजाकुन्हु लक्ष्मी नापनाप वाया द्यःने जाकिचुंया धन कुबियाच्वंम्ह कुबेर दयेकाः पूजा याइ । कुबेरया निपा ल्हाः मध्ये छपा ल्हातं अंकुश व मेगु ल्हातं गदा ज्वनी । गबलें सिंहयात गयाः सँप्वाँय् ज्वनाः त्याःगु आभास क्यनाः मेगु ल्हातं नवःचां हिरामोती ल्ह्वयाच्वंगु ब्वयातःगु दु । कुबेरयात यक्षकुलया जुजुया रुपय् हिन्दू व बौद्ध नेवाःतय्सं विश्वास यानातःगु दु ।
