नबिना श्रेष्ठ नेपालभाषाया न्हापांगु संकिपा ‘सिलु’या नकिं खः । येँया असनय् ने.सं. १०८७ यंलाथ्वः खस्थि, सनिबारखुन्हु जन्म जूगु खः । वय्कःया अबु नांजाःम्ह संगीतकःमि भृगुराम श्रेष्ठ खः । नबिना श्रेष्ठं ‘सिलु’ छगू त्वःताः मेगु नेवाः संकिपा म्हितूगु मदु । ‘पिरति’, ‘शान्तिदिप’ थें जाःगु संकिपाय् म्हितादीम्ह वय्कः खस नेपाली संकिपा ख्यलय् नं लोकंह्वाः । छगू झाकाय् लानाः वय्कः ने.सं. १११४ दँय् मदुगु खः ।
