नेपालभाषाया संकिपा ‘यांमिखा’ जगत श्रेष्ठपाखें निर्माण जूगु खःसा निर्देशन रवि डंगोलं यानादीगु दु । थुकी रवि डंगोल व जगत श्रेष्ठया बाखं दुथ्याःगु दु । कलाकारपिं भिंतुना जोशी, रवि डंगोल, रामशेखर नकःमि, नारायणदेवी प्रधान, पुष्कर माथेमा, रञ्जना बज्राचार्य, बसुन्धरा भुसाल, लक्ष्मी गिरी, नरेन्द्र कंसाकार, जगत श्रेष्ठ दुथ्याः । थुकिया छाँयाकार राजु मानन्धर खः । थुगु संकिपाय्– न्ह्यःने थः जःखः खनेदुगु जक सत्य मखु, झीके तापाक्क स्वयेगु यांमिखा नं दयेमाः धकाः क्यनातःगु दु ।
