‘राजमति कुमति जिके वःसा पिरती’ बोलया लोक मेया लिधंसाय् बाखनय् राजमति नांया छम्ह मिसा राजमतिया पूमवंगु मतिनाकथं बाखं न्ह्यब्वया तःगु दु । नेवाः फिल्म्स व नेशनल स्टुडियोया ब्यानरय् लोकमेया लिधंसाय् ने.सं. १११६ दँय् दयेकूगु नेपालभाषाया निगूगु सेलुलोइड संकिपाया नां राजमति खः । थुगु संकिपाया निर्देशक नीर शाह, निर्माता लक्ष्मीकुमार नेवाः व नीर शाह खः ।
कलाकारपिं हिसिला महर्जन, श्रीकृष्ण श्रेष्ठ, मणिराज लवट, मदनकृष्ण श्रेष्ठ, हरिवंश आचार्य, राजेन्द्र खड्गी, सुभद्रा अधिकारी व गणेश राम लाछि खः ।
