ने.सं. ११४२ ञलाथ्व दशमीकुन्हु कुतः पिकाकः पाखें पिथंगु बाःह्राः सफूया च्वमि भाजु पूर्णराम मुनंकर्मी खः । थ्व सफू मिसा मस्तय्त बाःह्राः तयेबलय् नेवाःतय्सं यायेमाःगु, याना वयाच्वंगु व यायेल्वःमंके धुंकूगु संस्कारया कर्मया विषययात दुनेथ्यंक दुवालाः च्वयातःगु सफू खः । थुलि जक मखु बाह्राः संस्कारया विधि विधान यायेमाःगु हुनि व विधिमन्त्र आदियात ऐतिहासिक व शास्त्रीय दसिया लिधंसाय् न्ह्यब्वयादीगु दु ।
