बःचाधंगु नेवाः खँग्वः धुकू वांगमय शताव्दीपुरुष सत्यमोहन जोशीया सम्पादनय् लाकौल पिथना महाबौद्ध येँ पाखें ने.सं ११०७ स पिदंगु शब्दकोशया सफू खः । थ्व शब्दकोशय् १५००० नेपालभाषाया विविध पक्षया खँग्व दुथ्याकातःगु दुसा प्रविष्टि, व्याकरणिक कोटी व शब्दया अर्थ फुक्क नेपालभाषां हे बियातःगु दु । थ्व कोश नेवाः भाय् सयेकेबीत मखु नेपालभाषाया थीथी पक्षया खँग्वया अर्थ थुइकेबीगु निंतिं च्वयातःगु कोशग्रन्थ खः । थ्व ग्रन्थय् येँया नेपालभाषायात हे स्तरीय भाषा नालाः छ्यलातःगु दु ।
