बुद्ध नेवाःया च्वसां पिज्वःगु चेतन गाजलं गजल मुना सफू ने.सं. ११३० सिल्लां ईलोहं प्रकाशनपाखें पिदंगु खः । थुकी थीथी विषयया ७७ पु गजल दुथ्यानाच्वंगु दु । गजल दुने थः यःम्हेसिया नामय् मतिना व अनन्त जीवनया भाव प्वंकातःगु दु । मतिनाय् थः तनाच्वंगु दु । मतिनाया ल्वचं कयाः वासः माः जुयाच्वंगु दु । भेदभाव मदयेका नापं च्वनेत इनाप, आग्रह यानाच्वंगु दु । मैत्रि करुणा व समभाव ब्वलंकाः मुक्ति लँपु लुइकेमाः धकाः चेतनाया जः ह्वलातःगु गजल अप्वः दु ।
