चीखुज्वःचिया सः लोककवि राजभाइ जकःमिया गद्य चिनाखँ मुना सफूचा खः । थ्व ने.सं. १०९६ सालया बुद्ध जयन्तीया लसताय् सः खलः, किपू भेग पाखें पिथनेज्या जूगु खः । जकःमिया झिंछपु चिनाखँ दुथ्याःगु थ्व सफू लिथो यानाः पिकयाःतःगु खः । प्रगतिशील विचारधारा दुने लाःगु थ्व सफू जकःमिया न्हापांगु सफू खः । थुकी भाषाविद् व च्वमि ईश्वरानन्द श्रेष्ठाचार्यया नुगःखँ नं दुथ्यानाच्वंगु दु । थुगु सफूया देबः कलाकार मदुम्ह ज्ञानबहादुर महर्जनं च्वयादीगु खः ।
