अबु प्रयागधर शर्मा व मां प्रयागेश्वरी देवी शर्माया कोखं यलया महाद्यः ननिइ ने.सं. १०३२ बछलाथ्व २ (वि.सं. १९६९) वैशाखय् भाजु चक्रधर शर्माया जन्म जूगु खः । वय्कःया मेगु नां चक्रधर शर्मा गर्ग (राजोपाध्याय) खः । व इलय्या संस्कृति विषय कयाः प्रथम परीक्षा क्वचायेकादीम्ह भाजु शर्मां नेपालभाषां च्वयादीगु चिनाखँ नर्केच्वंम्हेसिनं याःगु अफसोस ने.सं. १०६८ य् धर्मोदय पत्रिकाय् (१, ८–९) पिदंगु खः । कर्मकाण्ड व कलाकृतिया ज्या यानादीम्ह भाजु शर्मां यलया लाय्कू दबुलिइ हुइकीगु कात्ति प्याखंया बाथः खँ अर्थात् सम्वाद च्वयादीम्ह च्वमि खः ।
