येँया पश्चिमय् च्वंगु दहचोक यक्व पुलांगु बस्ती खः । थन ‘इन्द्रदह’ नांया छगू पुखू दु । भगवान इन्दं्र उगु पुखुलिइ स्नान याःगु जुयाः थ्वयागु नां ‘इन्द्रदह’ जूगु धाइ । नेपालभाषाया ‘द्यःच्व’ खँग्वःपाखें दहचोक जूवःगु खनेदु । भगवानयात ‘द्यः’ व डाँडायात ‘च्व’ धाइ । थन डाँडाया च्वय् द्यः दुगुलिं थुगु थाय्यात ‘द्यःच्व’ धाःगु व लिपा वहे नां अपभ्रंश जुयाः ‘दहचोक’ जूगु धाइ । थन डाँडाय् दह दुगुलिं नं थ्व थाय्यात ‘दहच्व’ धायेगु यात । वहे नां परिमार्जन जुयाः दहचोक जूवंगु नं धाः ।
