धलिमय् पानातःगु आकाश सफू आधुनिक गद्य कविताया न्ह्ययलुवाः कवि पूर्ण वैद्यं च्वयादीगु आधुनिक कविता संग्रह खः । थ्व कविता मुना सफुलिइ वय्कलं सामाजिक, आर्थिक, राजनैतिक, मनोवैज्ञानिक, प्राविधिक विषययात कयाः च्वयातःगु चय्पु कविता दु । थ्व सफू कुतः पिकाकःपाखें ने.सं. ११४२ गुंलागाः षष्ठिकुन्हु पिथंगु खः । धाथें धायेमाल धाःसा धलिमय् पानातःगु आकाश मुक्कं प्रगतिवादी चिनाखँ मुना सफू खः ।
