गद्यगुरु पं निष्ठानन्द वज्राचार्य व ललितविस्तर मय्जु प्रेमहिरा तुलाधरं च्वयादीगु ने.सं ११३३ य् निष्ठानन्द स्मृति गुथि पाखें पिदंगु नेपालभाषा पुनर्जागरकालया छम्ह महारथी गद्यगुरु पं निष्ठानन्द वज्राचार्य सम्बन्धी सफू खः । मूलतः स्वंगू अध्यायय् ब्वथलातःगु थ्व सफुलिइ न्हापांगु अध्यायय् निष्ठानन्द वज्राचार्यया बुसांनिसें मृत्यु तकया घटनाया बारे चर्चा यानातःगु दुसा, निगूगु अध्यायय् निष्ठानन्द बज्राचार्यया अमर कृति ललितविस्तर ग्रन्थ सम्बन्धी व्याख्या विश्लेषण व मेमेगु ललितविस्तरनाप तुलना यानातःगु दु । अथे हे स्वंगू ब्व कथं ललितविस्तर सफूया भाषिक विश्लेषण यानातःगु दु ।
