गजलया कल कल भाजु शैलेन्द्र श्रेष्ठं च्वयादीगु ने.सं ११०७ स पिदंगु नेपालभाषाया न्हापांगु गजलया सफू खः । सक्व प्रकाशनया लुखां पिदंगु थ्व सफुलिइ मुक्कं खुइपु गजल दुथ्यानाच्वंगु दु । थ्व सफूया प्रकाशनं निसें नेपालभाषाया गजलया पुनर्जागरण शुरु जुल धाःसां ज्यू । थ्व सफूया प्रकाशन लिपा छगूयां ल्यू यानाः मेमेपिं गजलकारपिनिगु गजलया सफू पिदनेगु जुल ।उकिं शैलेन्द्र श्रेष्ठया गजलया कलकल संग्रह निसें नेपालभाषाय् गजल विधाया पुनर्जागरण जूगु नालेगु यानातःगु दु ।
