जनकवि दुर्गालाल श्रेष्ठया न्हापांगु हाइकु मुना सफू थ्व हाइकु २१० ने.स. ११२७ दिल्लाथ्व द्वादशी कुन्हु पिदंगु खः । थुकिया पिकाकः झी दुर्गालाल हनाया नितिं ज्ञानेन्द्र मानन्धर व शुशिलतारा मानन्धरपिं खः । २१०पु हाइकु दुथ्यानाच्वंगु थुगु सफुलिइ स्वतन्त्र व शान्तिया आह्वान दु । च्वमिं जीवनयात तंकाः भ्रम थें तायेकाच्वंगु लु दु । न्ह्यागु थजु ई थःगु खः धकाः मनय् स्वां ह्वयेकाः म्वानाच्वंगु दु ।
