येँ, ओमबहाःया भाजु चन्द्रमान व धिरजमायाया काय्मचाया जन्म सन १९३७ स जूगु खः । सन् १९६३ स जल विद्युत सम्बन्धय् स्नातकोत्तर शिक्षा ब्वनावःम्ह थ्वय्कः सोभियत संघ, मास्को उर्जा प्रतिष्ठानपाखें विद्यावारिधि यानादीगु खः । वय्कः नेपाःया आपालं महत्वपूर्ण जलविद्युत परियोजना निर्माता भाजुं राष्ट्रिय उर्जा शक्ति ख्यलय् गुकथंया क्षमता दु धकाः ध्वाथुइकेगुली ज्वः मदुगु भूमिका म्हितावंम्ह खः ।
