इतिहासया छता निता खँ सफू प्रा. माणिकलाल श्रेष्ठया थीथी पत्रिकाय् पिदंगु नेपाःया इतिहास सम्बन्धी च्वसुया संकलन खः । बिमल ताम्रकारया संकलनय्, कुतः पिकाकःपाखें ने.सं. ११४२ य् पिदंगु थ्व सफुलिइ प्रो. माणिकलाल श्रेष्ठया ने.सं. १०९५ निसें १११४ दँ तकया अर्थात् झिंगुदँया दुने – झी, ज्वलान्हाय्कं, न्हसला, नेपाल संस्कृति, पलिस्था, मित्याः, सितु आदि थीथी पत्रिकाय् पिदंगु झिंनिपु च्वसु दुथ्याःगु दु । थथे दुथ्याःगु झिंनिपु च्वसुइ गुपु च्वसु लिच्छविकालयागु दुसा छपु च्वसु नेपाल संबत् व म्हपुजा सम्बन्धी दुसा छपु पूर्वमध्यकालया अरनिको सम्बन्धी व मेगु छपु चीनया राष्ट्रपतिं नेपाःयात लितब्यूगु निगू सफूयात कयाः च्वयातःगु दु ।
